MOTORVERSEKERING
Dek
basies you voertuig in geval van botsing, brand
en diefstal.
Faktore
wat die premie kan beïnvloed:
•
Waar word die motor gestoor: As jou motor in ‘n
toesluit motorhuis in ‘n sekuriteitskompleks gestoor
word, behoort die premie laer te wees as vir ‘n
motor wat snags buite in ‘n besige straat gelaat
word.
• Residensiële area: As jy in ‘n hoë-risiko
area woon, sal jou premie hoër wees as in ‘n
lae-risiko area. Gebaseer op statistiek is die risiko
vir diefstal en/of kaping in sommige areas groter
as in ander.
• Wie bestuur gewoonlik die voertuig: Jonger bestuurders
is geneig om meer ongelukke te maak as ouer bestuurders;
vroulike bestuurders maak minder ongelukke as manlike
bestuurders; ens.
• Waarvoor word die voertuig gebruik: Die premie
is laer wanneer die voertuig bv. hoofsaaklik vir
privaatgebruik aangewend word teenoor besigheidsgebruik;
premie sal hoër wees as die privaatgebruiker
‘n student is wat elke aand saam sy vriende gaan
kuier teenoor Ma wat die kinders in die middag ballet
toe neem.
• Sekuriteit: Die versekeraar sal stipuleer wat
die minimum sekuriteitsvereistes is gebaseer op
die tipe voertuig en area waarin jy woon. As jou
sekuriteitsmaatreëls meer is as hierdie minimum
vereis, kan jy vir afslag op jou premie kwalifiseer.
Versekeringsmaatskappy gee gewoonlik slegs afslag
vir immobiliseerders, gearlocks en sporingstoestelle.
• Tipe dekking: Omvattende dekking is die duurste;
dan volg derde party, brand en diefstal (dek brand
en diefstal, sowel as skade wat jy aan ‘n derde
party se eiendom mag aanbring) en laaste slegs derde
party dekking (dek slegs skade aan ‘n derde party
se eiendom, brand en diefstal is uitgesluit)
• Ekstras: As jy nie-standaard ekstras soos lugversorger,
sondak, radio/cd speler, leersitplekke ens. in jou
motor het, mag ‘n addisionele premie vir die ekstras
gehef word.
• Vrywillige bybetaling: Meeste versekeraars verminder
jou maandelikse premie indien jy bereid is om ‘n
addisionele bedrag tot jou basiese bybetaling per
eis te betaal. ‘n Hoër vrywillige bybetaling
beteken ‘n laer maandelikse versekeringspremie.
Drie
waardes waarteen motor verseker kan word:
•
Kleinhandelwaarde : die prys waarteen ‘n motorhandelaar
die voertuig sou verkoop
• Inruilwaarde : die prys wat ‘n motorhandelaar
vir die voertuig sou betaal
• Markwaarde : halfpad tussen kleinhandel- en inruilwaarde
Sommige
kontrakte word gebaseer op markwaarde, wat ±
4% tot 5% minder uitbetaal as wat dit jou gaan kos
om ‘n soortgelyke voertuig van ‘n handelaar te koop.
As
jy maksimum uitbetaling met die afskryf van ‘n voertuig
wil hê,moet jy jou motor teen kleinhandelwaarde
verseker. Maar, jou maandelikse premie gaan dan
omtrent 5% hoër wees.
Wees
versigtig om nie die volgende fout te begaan nie:
Jy
koop ‘n voertuig vir R200 000, verseker dit vir
R200 000 en jy dink nie weer verder aan jou versekering
nie. ‘n Paar jaar later word jou motor gesteel.
Die waarde van die voertuig op daardie stadium is
R50 000. Jy ontvang slegs R50 000 van jou versekeraar.
Oor die jare het jy egter R5 000 of meer te veel
op jou premies aan jou versekeraar betaal.
Dit
is JOU verantwoordelikheid om jou premies laag te
hou deur gereeld jou versekeraar te herinner om
die waarde waarteen jou motor verseker is, te verminder
soos die waarde van die voertuig oor tyd afneem.
HUISHOUDELIKE
INHOUD VERSEKERING
Dit
dek alles BINNE-IN jou huis.
Wees
versigtig om nie die volgende foute te maak nie:
•
In die sekuriteitsklousule van jou polis spesifiseer
jy die spesifieke sekuriteitstoestelle wat geïnstalleer
is bv. diefwering, veiligheidshekke, alarms. Oor
tyd verweer of breek hierdie beskermingstoestelle
egter. Wanneer die assessor jou eiendom na ‘n inbraak
besoek, sien hy dadelik dat die elektriese heining
of alarm wat in jou kontrak gespesifiseer is, nie
meer werk nie. As een van die gespesifiseerde toestelle
nie werk soos dit moet nie, word jou eis dadelik
afgekeur.
Maak
seker dat jou sekuriteitsmaatreëls werk soos
dit moet, of stel jou versekeraar in kennis indien
een van die toestelle nie meer gebruik word nie
(wetend dat dit jou premie gaan verhoog).
•
Niemand hou daarvan om stoel vir stoel, kussing
vir kussing, kamer vir kamer, rand vir rand te tel
nie, maar die tyd daarop spandeer – sê omtrent
2 uur per jaar – kan jou moontlik duisende spaar.
Jy
verseker die inhoud van jou huis vir R100 000. Oor
tyd koop jy nuwe items and meubels. Jou nuutste
kopie is ‘n slaapkamerstel van R50 000. Weens ‘n
vuur word die stel verwoes. Jy is egter nie bekommerd
nie, want jou huisinhoud is jare gelede vir R100
000 verseker en jy wil slegs R50 000 eis.
Verkeerd.
Die assossor besoek jou huis, sien al die nuwe meubels,
kunswerke en ander items wat jy oor die jare gekoop
het, en skat die waarde van jou huisinhoud op R500
000. Maar die R500 000 goedere is slegs verseker
vir R100 000 verlies, wat beteken dat vir elke R1
slegs 20c teen verlies verseker is. Die gevolg:
Slegs R10 000 word uitbetaal vir jou R50 000 stel
(R50 000 x 20c).
Dit
is JOU verantwoordelikheid om die waarde van jou
huisinhoud gereeld op te dateer.
Faktore
wat die premie kan beïnvloed:
•
Residensiële area: As jy in ‘n hoë-risiko
area woon, sal jou premie hoër wees as in ‘n
lae-risiko area.
• Dak- en muurkonstruksie: As jou huis nie ‘n standaard
dak (bv. grasdak) of mure het nie, is daar ‘n groter
risiko as by ‘n standaard huis en sal jou premie
dienoorenkomstig verhoog.
• Sekuriteit: Die versekeraar sal stipuleer wat
die minimum sekuriteitsvereistes is gebaseer op
die area waarin jy woon. As jou sekuriteitsmaatreëls
meer is as die minimum vereis, kan jy vir afslag
op jou premie kwalifiseer.
• Oor die algemeen word huisinhoud gedek teen brand,
diefstal, wind en stormskade. Indien jy enige van
hierdie, byvoorbeeld inbraak en diefstal, uitsluit,
kan jou premie moontlik verminder word.
• Eisvrye jare: Iemand wat vir die eerste keer versekering
uitneem, se premie gaan hoër wees as ‘n persoon
wat al ‘n paar jare ‘n polis het sonder om te eis.
Afslag word bereken op die aantal jare wat jy verseker
is sonder om te eis.
• Vrywillige bybetaling: Meeste versekeraars verminder
jou maandelikse premie indien jy bereid is om ‘n
addisionele bedrag tot jou basiese bybetaling per
eis te betaal. ‘n Hoër vrywillige bybetaling
beteken ‘n laer maandelikse versekeringspremie.
HUISEIENAARSVERSEKERING
Huiseienaarsversekering
is die stene en sement en dak en monterings – dus
die verbeteringe wat aan die eiendom aangebring
is.
•
Meeste polisse sluit onderhoud en die gevolge daarvan
uit.
As jou huis se dak na ‘n storm inmekaar sak en die
assessor vind dat die balke as gevolg van termiete
al vrot gevreet was, sal daar geen uitbetaling plaasvind
nie. Dekking word deur voldoende onderhoud verseker.
• Meeste polisse se dekking word gebaseer op herbouwaarde
en nie markwaarde nie.
Markwaarde word bepaal deur ligging, misdaadsyfer,
ens.
Herbouwaarde is wat dit gaan kos om skade te herstel
teen dieselfde standaard, op dieselfde wyse en op
dieselfde plek.
• Dit is JOU verantwoordelikheid om die waarde van
jou eiendom op datum te hou.
Jou versekeraar mag dalk die waarde van jou eiendom
jaarliks outomaties aanpas, maar nie noodwendig
genoeg nie. As die hele eiendom vir R100 000 verseker
is, maar die herbouwaarde is R200 000, sal slegs
die helfte van enige eis uitbetaal word.
Sommige mense dink dat aangesien die bank die eiendom
waardeer het, die waarde korrek sal wees. Verkeerd.
Die bank kyk net na die waarde van die eiendom in
soverre dit as sekuriteit dien vir die dekking van
jou verband. Hulle kan ‘n waarde aanbeveel, maar
die versekeraar gaan nie noodwendig die waarde aanvaar
nie, veral nie indien onderhoud of konstruksie nie
op standaard is nie.
Dit
is JOU verantwoordelikheid om die waarde waarteen
jou eiendom verseker is, op datum te hou.
PERSOONLIKE
AANSPREEKLIKHEIDVERSEKERING
Die
tipe versekering dek skade aan eiendom/persone wat
nie lede van jou huishouding is nie.
Van
dit kan deur Huiseienaars-, Huishoudelike inhoud
of motorversekering gedek word. Kyk eers hierna
voordat jy persoonlike aanspreeklikheidversekering
uitneem om seker te maak wat word reeds gedek en
waar jy op risiko is.
Voorbeeld:
Wanneer jou hond iemand in jou erf byt, mag jy dalk
gedek wees, maar indien jou hond iemand buite in
die straat byt, word jy nie gedek nie. Neem jou
leefstyl in ag: kom die hond gereeld by die hek
uit? Is dit ’n pitboel of ‘n poedel?
ALLE
RISIKO VERSEKERING
Hierdie
versekering dek alle roerenede eiendom soos handsakke,
selfone, horlosies, fietse, skootrekenaars, ens.
Jou
verliese word gedek maak nie saak waar dit gebeur
nie, solank die items egter gespesifiseer is.
Stel
vas wat die limiet is vir lae-waarde items wat nie
gespesifiseer hoef te word nie. Maak dan seker dat
jy alle items wat meer werd is as die limiet, spesifiseer:
model, maak, kleur, reeksnommer, alle ander inligting
wat die item kan identifiseer. Indien dit meer werd
is as die limiet, en dit is nie gespesifiseer nie,
sal dit nie gedek wees nie.
ONGELUKDEKKING
Hierdie
versekering dek jou teen permanente ongeskiktheid
weens ‘n ongeluk en maak voorsiening vir jou geliefdes
in geval van jou dood.
Dit
is die moeite werd om baie kieskeurig met ongelukdekking
te wees. Jy sal groot verskille vind tussen die
verskillende polisopsies beskikbaar.
|